Durante control di Polis banda di waf di crucero (APA), un Jeep Wrangler color cora cu sticker di “Fake Taxi” a pasa cu velocidad halto riba LG Smith Boulevard. Polis a dune ordo pa para pero a haci manera no a mira Polis. Hasta a pasa riba cierto material riba caminda cu Polis tabata tin poni. Mesora un patruya di Polis riba brommer su tras pero a perde for di bista.
Despues di basta rato e chauffeur cu e Jeep a bolbe pasa riba Boulevard manera nada a pasa y mesora Polis a para e Jeep. A control’e y a topa cu jug cu alcohol aden. Polis a scual e chauffeur y pone supla pa midi e nivel di alcohol den su rosea. Resultado ta cu el a consumi alcohol pero no na un nivel pa bisa e ta burachi y mester detene.
Polis a tuma e Jeep den beslag pasobra e papelnan di e auto, por ehempel seguro y keuringskaart no tabata na ordo. Si ocasiona un accidente, e lo bira un daño pa otro, pasobra mayoria seguro no ta cubri.
E auto a keda den beslag y chauffeur di Fake Taxi mester a busca un amigo pa hibe su cas of sigui trip.
