E contract di e compania cu tabata interesa den leasmento di tanki for di Refineria di Aruba (RdA) a disolve oficialmente. Gobierno tabata e impresion cu RdA tabatin un bon candidato pero door di COVID a stroba nan y no a cumpli.
Den un situacion asina aki ta duna un periodo di cura, pa mira si por coregi loke a bay fout. Den e caso aki esey no a pasa y awo e contract no ta valido mas. Tin varios a pidi pa lease e tankinan den combinacion cu refineria, pero esey ta tuma tempo. Den november lo tin un miho bista di cuanto candidato potencial tin pa refineria of otro inversion.
Awo no por duna nan e tanki y kier e refineria tambe, pero pa refineria mester di tempo. RdA a bay bek na esnan cu a duna bon oferta y ta den combersacion riba e topico ki. Prome Minister, Evelyn Wever-Croes, a bisa cu ta spera cu e biaha aki e bay sin contratiempo y por yega na un actividad economico.
Segun Wever-Croes, nan ta haci tur cos posibel pa acelera otro tipo di desaroyo.
