E aña a habri hopi hende ta den ayuno, pero segun bo ta baha man na cuminda pa bo drenta ayuno, segun e cantidad di dia cu Dios a pone riba bo curason, bo mester tuma dianan di arepentimento, pasobra ayuna cu hende riba bo curason, yena cu envidia, orguyo, arogancia spiritual, rechaso ta biba den bo, esey no tin entrada dilanti di Dios. Prome cu bo drenta ayuno haci bo curason limpi y pordona tur esnan cu bo tin di pordona, pa asina bo oracion nan yega cielo. Corda cu dilanti di Dios nada ta keda scondi, y si a bo no arepenti , Dios mes lo saca tur cos na cla.
Den tur esaki nos kier splicabo cu pa un ayuno ta efectivo, Arepentimento y Pordon mester tuma lugar prome pa asina nos yega na limpiesa di curazon, pasobra den un cas nos no por ta pleita cu otro y nos ta proclama ayuno, ban drecha cos prome, pidi despensa y ricibi pordon, y corda bon ora bo pordona abo ta e prome persona cu ta keda liber. (Isaias 58)
Nos no ta ayuna pa placa, ni tampoco pa cosnan material, pero pa nos tin un bon comunicacion cu Dios y su Spirito Santo. Y pa nos por scucha e bos di Dios. Ayuno ta algo hopi personal.
Dios a duna nos tur herment of tools spiritual pa nos tin un bon anja cu pandemia of sin pandemia, pasobra pandemia no por stroba e bendicion di Dios. (Mateo 4 vers 4).
Dios a duna nos Jeremias capitulo 29 vers 11 como un fundeshi di e plan cu e tin pa nos bida pa tur cos bay bon cu nos y nos lo yega serca djE y haci oracion y Dios lo scucha nos. Si nos tin contacto continuamente cu Dios, Dios lo duna nos un bon anja, pasobra bo anja no ta depende di hende, pero ta depende di locual abo ta papia, bo no por papia algo riba bo bida of di bo famia cu bo no ta desea, zorg pa bo pensa bon prome cu bo papia.
Dios a bisa Job cu ora un persona su relacion ta bon cu Dios e por declara algo y esey lo sosode: Job Capitulo 22 vers 26 ta para scirbi: Pasobra e ora ey lo bo tin Delicia den eTodopoderosoy lo hisa bo cara na Dios , lo bo haci oracion na Dios y lo bo cumpli cu bo promesa nan . Tambe lo bo declara algo y esey lo wordo stableci pa bo y luz lo briya riba bo caminda. Ora bo ta abati lo bo papia cu confiansa, y e persona hulmilde e lo salba.
Esaki ta nifica cu segun bo relacion cu Dios bo por cuminsa papia cu Dios tur e cambio nan cu bo kier mira den bo famia, den bo salud , den tur bo necesidadnan, pasobra Dios ta scucha e persona humilde.
E anja aki entrante di awe cuminsa declara locual cu bo kier mira sosode den e boluntad di Dios den bo Hogar y den bo Famia y Dios lo hacie pa bo. Na Dios tur e Gloria. Pastor Marcel Balootje.
