Departamento di Salud Publico Aruba ta eherciendo un investigacion nacional riba topico di salud, cu ta hiba e nomber STEPS 2023. Meta di STEPS ta pa colecta informacion (data) di salud for di ciudadanonan entre edad di 18 cu 69 aña. Ta colecta e informacion aki pa medio di tres paso.
Paso 1. Entrevista cu un encuestado cu un tablet den man y haciendo uzo di un sistema automatisa di World Health Organisacion (WHO). Un encuestado ta pasa algun cas pre selecciona den un area specifico pa haci diferente pregunta na ciudadanonan na nan cas.
Paso 2. Midimento fisico, di entre otro presion, peso, largura, heup y cintura di e ciudadano na su cas. Esaki ta wordo haci pa e encuestado.
Paso 3: Test di sucu y colesterol door di un prikker. Pa e test aki e ciudadano mester acudi na yuna parti mainta na DVG Oranjestad of IBISA San Nicolas y pa esnan cu no tin transporte un prikker por pasa na cas pa haci e test aki.
DVG ta enbusca di mas encuestado y prikker y ta haci un invitacion na esunnan cu ta desea di yuda den e investigacion aki como encuestado of prikker pa tuma contacto cu DVG na 5224200 of mail nos na [email protected] cu bo datonan personal y number di telefon. Pa fungi como encuestado of prikker mester por cumpli cu e siguiente exigencianan;
Minimo 18 aña
Responsabel
Tin propio transporte
Como encuestado mester ta dispuesto pa traha durante diferente orario den siman y/of den weekend
Como prikker mester por traha den siman entre 6or-9or am y den weekend 7or-10or am.
STEPS ta premira di dura te cu mita di juni 2023, Durante e periodo aki lo brinda un pago pa ora di trabou eherci y pago pa gastonan extra manera gasolin.
Training pa encuestado y prikker lo tuma luga diabierna dia 31 di maart na Surfside Marina. Esunnan cu ta interesa ta wordo encurasha pa tuma contacto cu nos mas pronto posibel. Pa mas informacion like nos Facebook page Directie Volksgezondheid DVG Aruba, Follow nos riba Instagram directie_volksgezondheid_aruba, subi nos website www.dvg.aw, yama nos na 5224200 of mail nos na [email protected]
