SV RCA a batisa nan uniform nobo p’e campeonato nobo di AVB y tambe pa bisa bonbini na sponsor
nobo cu ta kere den e team su vision.
Jeffrey Lopez, presidente di RCA, a indica cu e evento mes a bay hopi bon y hopi hende tabata
contento, pasobra diferente sponsor nobo a join e club. Desde december Lopez tin e privilegio di ta e
presidente dje club, esun di mas grandi di Aruba y cu mas trofeo. E responsabilidad ta hopi grandi, unda
cu nan a topa hopi reto pero Lopez ta sigur cu e team di dirigente cu tin den staff y directiva nan lo logra
hopi p’e club como tambe pa futbol general na Aruba.
RCA tin division di sub-5 te Division Honor. El a indica cu den tur sub nan tin dirigente, pero e aña aki
nan ta bay introduci un technische beleid. Aki nan ta bay cuminsa enfoca mas riba e muchanan y traha
mas riba e farm system. Asina ey den futuro RCA lo tin un bon farm system pa yena Division Honor.
Tambe nan tin e categoria di damas y nan ta desaroyando esaki. Lopez a indica cu si tin hende muhe cu
kier join un club, semper nan ta bonbini pa join RCA.
