Despues di e Parada Nacional di Luz, polis a detene varios persona, den nan; chauffeur y algun persona bou influencia di alcohol. Na Linear Park a topa cu un homber drumi bou un mata. El a conta cu e tabata riba un paranda y cu e ta di acuerdo cu ta deten’e. Den style cu su bril di solo a deten’e y hib’e cas, ta trata di un hende grandi di edad caba.
Un rato prome na altura di rotonde airport, a detene dos hende grandi mas. E chauffeur y su pasahero tabata burachi, ora polis a kere cu e chauffeur por a sigui stuur bay cas, a resulta cu e pasahero tabata mas burachi cu e chauffeur mes. A detene ambos y duna nan un lift pa cas. E auto, un Toyota Yaris a keda para band’i caminda.
Mas den oranan laat den marduga, polis a para un Toyota Tercel color blanco na altura di Botica Santa Anna na Noord. Aki, dos amigo tambe tabata riba un paranda. Ta mesun scenario cu e amigonan na aeropuerto. Un tabata mas burachi cu e otro. A detene ambos y hiba nan cas. Pues, e pensionadonan tambe a rek un paranda basta largo diasabra anochi, manece diadomingo.
