Dialuna marduga alrededor di 12:00 am a sosode un accidente cu basta daño material den e bocht di Calabas y Kudawecha. Aki ta caminda cu un auto marca Jeep modelo Wrangler a perde control y bay dal contra di un cura di cas. E impacto tabata fuerte cu basta daño material.
E chauffeur tabata bayendo direccion pabou y tabata su so den auto, no tabatin mas auto envolvi den e accidente. E chauffeur tabata keha di basta dolor, ta tur motibo pa ambulance presenta na sitio pa brind’e atencion medico. Polis a documenta e accidente aki, na final un takelwagen a presenta pa kita e auto for di caminda mirando cu e no por a move riba su propio forsa.
Bisiña nan a conta cu e impacto tabata uno fuerte. No ta prome biaha cu ta sosode un accidente den e bocht skerpi aki di Calabas pa Kudawecha, net n’e entrada di Bona Vista, mayoria biaha ta velocidad halto ta origen di e accidentenan aki.
