Informacion cu a drenta ayera riba posibilidad cu tin 9 studiante di Aruba cu Covid-19 a pone cu mesora a manda nan bay haci test y for di akinan e cifra a drenta cu na prome instante tabata trata di 1 studiante.
Awe a manda un update pa asina confirma cu e cifra a subi y cu ta trata awo di 3 studiante positivo cu Covid-19. Arubahuis ta facilitando GGD cu tur e informacion necesario y GGD y Arubahuis ta keda den contacto cu e studiantenan den cuestion.
Asina cu Arubahuis haya mas informacion lo sigui informa den caso cu studiante nobo for di Aruba mester haci test y/of si nan mester bay den quarantaine obligatorio.
Pa awor ta consehabel pa tur studiante sigui monitor nan salud di cerca y pa meld cualkier sintoma cu ta cuadra cu sintomanan di Covid-19. Tambe ta importante pa evita luganan publico y pa sigui aplica tur e reglanan di higiena y distanciamento social.