Unidad motorisa ta hopi activo controlando caminda publico. E agentenan motorisa a haci un control den trafico na altura di Eagle, Arashi, Bushiri y vecindario.
Durante e control di trafico a tuma nota cu hopi chauffeur ta maneha auto cu celular na man. Dies persona a boet pa comete e infraccion aki den trafico. A pesar di e infraccion nan a supla tambe pa por haya sa si nan ta maneha bou influencia di alcohol, pero tur di nan a supla bou of 0 ug/l
Unidad motorisa lo controla full e weekend di Semana Santa y lo tin wowo riba diferente infraccion. Chauffeur tene bo mes na e regla y leynan di trafico!
