Fundacion Adopt an Addict kier a gradici Thiel Corporation pa cu nan donation. Despues di bunita trabao durante “Aruba doet” na Adopt an Addict su Cas Speransa na Moko, un parti di e projecto di un vloer a keda pega door di falta di fondo. Thiel Corporation a sa di coopera cu un donacion di concreto pa por a completa e vloer, unda nos clientenan awor por socialisa y comparti y bao di un bunita palo di watapana. Adhunto un potret di e trabao pa e vloer. Adopt an Addict tur dia ta traha y yuda un grupo grandi di personanan cu problema di addiccion. Ta manda pa rehabilita na Hogar Crea, y despues ta vang nan op den nos “halfway house” Speransa na Moko. No tin subsidio di gobierno, pero ta traha duro pa sigui haya donacion y cooperacion den nos comunidad pa por sigui yuda. No solamente donacion di material y fondo ta necesario continuamente, pero tambe donacion di tempo di mas voluntario. Tin un necesidad grandi di hende pa yuda cu formacion y guia di nos clientenan. Si bo persona ta interesa y por duna un parti chikito di bo tempo na yuda otro hunto den nos fundacion, tuma contacto cu nos na 5942494.
