Stellaris Casino ta organisa nan Haunted Dance Party diabierna, dia 28 di october proximo. E fiesta aki ta di disfraz y tin premio cu por gana. Ta bay bek den tempo di aña 80.
Maicky “Campo” Oliva, representante di Stellaris Casino, a indica cu desde dia di fiesta di 40 aña di ERA hunto cu OREO y Musical Time, hopi hende a puntra ki dia tin otro. Dia 28 di october ta tuma luga e “Haunted Dance Party” y lo ta den e Grand Ballroom di Aruba Marriott Resort.
E fiesta ta di disfraz, unda cu durante e anochi lo tin mas cu cinco mil dollar na premio. Tin premio di mil dollar pa e miho disfraz y sin lubida e mashin di twister den e fiesta.
E mashin di twister ta un cabina cu hende ta drenta y e biento ta forma manera un biento y asina ey tin chens di gana placa. E placa cu logra gara den man ta loke e participante ta gana. Na momento c’un persona drenta, su nomber ta registra y e tin chens di sali den e fiesta y drenta den e twister machine. Esaki ta un di e premionan cu Stellaris Casino ta presenta.
Prijs p’e fiesta aki ta 100 dollar pa persona y ta inclui tur cos, cu ta sopi, snacks y premium open bar henter anochi. E fiesta aki ta consisti di animacion musical. Maicky Oliva a indica cu e fiesta lo ta anima pa dos banda musical local cu ta N Fusion y OREO. Hunto cu nan ta bay tin DJ cu tabata popular den e añanan 80. E fiesta aki, Haunted Dance Party, ta un tema di “back to the 80s”. Oliva a indica cu por disfrasa den un disfraz di Thriller di aña 80.
Ticket p’e fiesta ta limita, pasobra e fiesta aki ta pa e miembronan. Den e caso aki ta habri cupo p’esunnan cu no ta miembro y kier participa n’e fiesta. P’esey nan ta haya e ticket pa 100 dollar. E ticketnan ta obtenibel na cashier di Stellaris Casino pa 100 dollar y tur cos inclui. Ta invita tur pa yega disfrasa pa asina gosa y baila den Marriott Grand Ballroom.
