Sindicato STA a trece den e reunion cu formado riba zwangerschapverlof pa hende homber. E hende muhe tin derecho di esaki, pero homber tambe aunke nan ta haya dos dia so.
E sindicato STA ta di acuerdo p’e hendenan homber haya seis siman di zwangerschapverlof. Diego de Cuba, presidente di STA, a indica kico nan como homber por yuda nan casa cu dos dia, pasobra e criatura a caba di nace. E sindicalista ta kere cu den esey meste bin un cambio p’e tatanan por tin mas tempo cu nan pareha/casa pa yuda.
E prome simannan of lunanan di parto ta basta duro. Esey ta un di e preguntanan cu a bin dilanti y e sindicato a informa di ta ful di acuerdo pa bin un cambio den e ley. Dos dia no ta yega pa nada, pasobra e pareha a duna luz y e siguiente dia tin di inscribie na Censo, cual e dia a termina. E tata tin di bay trabou y e pareha a keda cas cu e baby. Aunke tin famia lo yuda, ta mas bunita p’e pareha t’ey den e prome simannan.
