Awe tin un tremendo special pa loke ta e concierto di Ana Gabriel. Nos a combersa cu Ichelle Simon na e oficina central di Ana Gabriel situa den Renaissance Marketplace, y el a conta cu nan ta sumamente contento di a anuncia e special.
Esaki ta despues di a mira e gran sosten cu Aruba henter a duna e concierto di Ana Gabriel. E ora a bisa cu ta bay haci algo extra. Ta sumamente contento cu e dianan ta yegando.
Ya caba Mei ta den porta. Dia 11 di Mei e concierto aki ta. Henter mundo ta pendiente di e concierto aki. Por mira tambe riba rednan social, por mira cu esaki ta birando exito total. E gira aki ta un gira renombra y Aruba ta bay forma parti di dje. Awe e oficina di Ana Gabriel ta contento di por haci e campaña di un dia so. Ta trata di entradanan General y entradanan di VIP Seating. Awe so, si bo cumpra bo entradanan general of bo VIP Seating, bo ta bay haya hunto cu esaki un T-shirt di Ana Gabriel, hunto cu bo serbete, cu tambe ta un merchandise exclusivo di Aruba pa Ana Gabriel concert, of e ta wordo compaña pa un mug.
Bo por kies bo pakete, hunto cu bo ticket cu bo ta bay cumpra awe, di of un serbete y bo t-shirt of bo mug y bo t-shirt. Bo ta cumpra bo ticket na e prijs normal di 125 florin pa entrada general y ricibi bo t-shirt cu bo serbete of mug. Esaki ta conta tambe pa e VIP Seating. Ta recorda tur hende cu e VIP Seating ta un tiki mas dilanti, pero e entrada general, tambe cada un cu cumpr’e, tambe ta bay tin asiento. Ta un concierto cu nunca antes a pasa asina na Aruba, caminda cu publico henter ta bay haya e oportunidad pa sinta y mira e concierto.
Ta invita un y tur pa pasa na e oficina di Ana Gabriel te cu 7’or di anochi. Pero e stock ta limita. Ta e prome 100 hendenan cu bin awor aki cumpra nan ticket, ta haya e special aki. Ta invita pueblo di Aruba henter, no tarda mucho. E hendenan ta bay cuminsa drenta, mirando cu ta mercancianan sumamente gusta ya caba durante tur e temponan aki. Pero awe kier duna comunidad di Aruba algo extra pa asina contribui y asina sostene e concierto di Ana Gabriel. Bin cumpra bo ticketnan di VIP Seating of General. Bo por busca bo mesa ainda si bo kier esaki, pero bin cumpra esaki te cu 7’or di anochi.
Ichelle ta sigui splica cu a ricibi un sosten asina grandi di comunidad di Aruba y na e momentonan aki a bisa cu ta bay duna algo bek y mirando cu a haya un bon reaccion di e mercancia cu tin den e oficina, ta productonan exclusivo di e gira pa loke ta Aruba y ta hay’e solamente na e tienda di Ana Gabriel. Kier duna comunidad algo exclusivo bek. Ta invitabo pa bin awe busca bo ticket hunto cu bo articulonan exclusivo di Ana Gabriel. Abo so ta bay tin’e si awe ora bo cumpra bo ticket General of VIP Seating.
Pa loke ta e concierto mes, for di algun siman atras, por a mira cu e personanan encarga, e level up di e concierto di Ana Gabriel, ta den contacto constante cu e promotornan na Aruba. Tur cos ta bayendo sumamente bon. Location ta cla caba. E interes di pueblo di Aruba ta sumamente grandi. Ticketsales ta bayendo sumamente bon. Unico cos cu falta awo pa esun cu no tin su ticket ainda, cumpra esaki y pa Ana Gabriel yega Aruba. Logisticamente tur cos ta basicamente cla. Sound ta bay ta un expectaculo e anochi aki, manera cu ta custumbra di mira Ana Gabriel. Tin cu menciona cu el a sold out arenan sumamente grandi den exterior y no ta duda cu esaki ta bay ta e caso na Aruba tambe.
Ichelle ta invita un y tur pa dia 11 di Mei, e regalo perfecto pa dia di Mama, ta bo entrada pa e concierto di Ana Gabriel. Regala bo mes, bo mama, bo casa, bo ruman, un di e ticketnan aki, pasobra e ta un concierto cu despues di 25 aña Aruba ta bay haya. Cumpra bo ticket, bay e concierto. Ta bay anuncia den e dianan cu ta bin mas, con esaki ta bay ta hinca den otro, unda precies abo mester drenta. Tur cos ta bay ta regla, nechi for di ora cu bo yega Entertainment Center, te ora cu e concierto caba. Tur cos ta bay cuminsa na ora pa 8’or di anochi. Ta bay informa pueblo di Aruba mas den transcurso den e simannan cu tin p’adilanti. Mientras tanto bin cumpra bo ticket awe te cu 7’or di anochi.
