Marca e fecha, dia 10 di November 2018, lo bay tin e grandioso evento Spartacus MMA Amateur, cual lo ta e prome evento amateur na Aruba, cu tin como meta pa mantene e muchanan for di caya y for di problema, door di provee un evento dibertido y challenging, unda cu nan lo siña riba disciplina, teamwork y repset.
Door di duna muchanan amor y atencion, e idea ta pa proveenan cu un luga comodo, manera un di dos cas.
Durante un conferencia di prensa cu a tuma luga na MooMba Beach, Gregory Milliard di Milliard Acdemy y Moving Forward Foundation, a splica cu tin hopi mayor interesa riba con e MMA amateur lo bay ta encera. A splica riba e reglanan y di e muchanan cu ta bay participa.
Tambe riba e proteccion tras di e muchanan, kico ta e evento y concepto riba Spartacus MMA Amateur. Pa dos luna largo lo bay ta enfoca ora cu ta bay saca 22 mucha cu ta riba e cartelera di Spartacus MMA, pa nan enfoca riba training, nan comemento, nan drumimento, con bo ta hiba un estilo di bida saludabel, conociendo con e muchanan gusta nan fastfood, nan cuminda poco saludabel.
Nan lo haya nan mes cu nan lo bay cuminsa come mas berdura, dicon nan tin cu drumi na tempo, dicon e training lo bay ta asina fuerte. Tin un meta tras di esaki.
Dia 10 di November e meta ta pa cambia, despues di esey, hopi mucha nan bida. Ta bay try via di deporte, via e manera di e deporte di Mix Martial Art, door cu e ta tuma asina tanto disciplina. Riba e dia aki, esey ta e meta y Spartacus su enfoke ta esey.
Hopi hende ta papia di agresion den MMA, pero si bo mira bon, nunca a mira cu den artenan marcial, manera MMA local, tabata tin problema entre e atletanan mes. Semper mas bien tabata e fanaticada. Si ta papia di Martial Art en general, e ta rekeri asina tanto disciplina y tambe na e manera di train den Milliard academy, ta 80% mental y 20% fisico.
Ta train hopi mucha nan mindset, nan willpower, nan no give up, pusha pa loke bo ta desea, mas di loke ta papia y ta empuhando un mucha su si nan dalbo, dal’e bek. Esey no ta e teoria ni lema.
Teoria ta pa crea mas lider eyfo. Si mira bon, tin un fundacion cu ta trahando enfocando riba muchanan. E fundacion ta pa target riba nos hubentud awor aki cu a ripara cu tin un problema eyfo den nos hubentud. Si mira bon, no tin mucho cos pa nan haci.
Hopi di e muchanan, semper cos malo ta bin prome. E ora awor aki ta tumando e trabao den nan propio man y ta trahando pa nos hobennan. Ki miho manera cu artenan marcial, cu e disciplina y e enfoke cu artenan marcial ta duna pa cambia.
Por mira den e diferente muchanan cu ta bishitando e academia, cu ta bin di OC, Casa Cuna, diferente mucha. Tambe nan ta bishitando diferente tipo di scol y ta riparando e cambio den e muchanan.
Pesey, segun Milliard, nan ta haciendo un bon trabao mirando e cambionan y nan ta sigui crece.
Tambe Gregory Milliard ta gradici tur media cu ta sostene nan. Manera 24ora.com, MooMba Beach, nan demas sponsornan manera Bright Bakery, Ildo’s Lottery y demas instancianan cu ta kere den loke nan ta trahando.
Si tin mas sponsor cu kier pa nan traha pa tene nos hubentud for di caya, por tuma contacto cu Gregory Milliard na celular 5942314 of tambe manda un mensahe riba milliardacademy. Nan tey cla pa ricibi tur apoyo y sostem. Esaki ta bay ta algo prome biaha bisto, unda cu nan ta bay tin 22 mucha di tur caminda na Aruba. Ta invita henter pueblo di Aruba pa sostene nos hubentud, sostene nos muchanan.
Yega na Centro Deportivo Betico Croes, y duna nan e sosten. Bin haci e dia aki inolvidabel, habri porta pa e muchanan pa nan sinti nan mes special, ta e unico manera pa nan sostene pa haci e deporte di MMA, haci deporte y keda sano.
