Pa prome biaha Centro di Bario Noord (CBN) ta organisando un Songfestival pa nos muchanan. Esaki lo tuma lugar awe dia 1 di december na CBN. Porta lo habri di 6or di atardi y pa 7or di anochi lo cuminsa cu e Songfestival yama ‘Strea di Noord’.
En totaal tin 17 participante parti over 3 categoria, esta categoria 4-6 aña, 7-9 aña y 10-12 aña. E tema di e festival ta cancionnan navideño. Muchanan ta entusiasma y tin diferente training tras di lomba. E all star band cu lo acompaña e participantenan lo ta bou direccion di sr. Amado Rosina. Banda di e Songfestival lo bay tin un bazaar navideño caminda lo bay tin diferente tent cu boca dushi, platonan navideño etc. Entrada ta solamente awg. 5,- en general. Esaki ta pa yuda CBN cubri parti di su gastonan di organisacion. Directiva di CBN kier haci uso di e oportunidad pa gradici CedeAruba cu ta aporta grandemente pa haci e festival aki posibel. Por ultimo nos kier a invita pueblo en general, especialmente nos pueblo di Noord, pa bin pasa un rato ameno na nos centro y apoya nos hoben talentonan y gosa di un dushi plato navideño. Nos ta spera boso!
