“Aunke tur actividad y disciplinanan a sufri hopi pa motibo di e pandemia, awo cu e aña dificil aki ta yegando su fin, ta bon pa subraya e balor grandi cu periodismo independiente a aporta na e comunidadnan y e democracia den e epoca traumatico y dificil aki”, asina presidente di e Sociedad Interamericano di Prensa, Jorge Canahuati, a cuminsa bisa den su mensahe di fin di aña.
Medionan di comunicacion y periodismo profesional por ta no a haci cosnan distinto di lo custumber, manera busca e berdad, tene e podernan publico y priva skerpi, genera combersacionnan publico riba temanan decisivo y defende derecho di e libertad di expresion. Sinembargo, e pandemia a causa cu publico a bolter masivamente pa medionan den busca di informacion di calidad y confiabel.
A pesar di e reencuentro aki entre ciudadanonan y medionan di comunicacion, toch e empresanan periodistico a sufri hopi comercialmente pa motibo di COVID-19, en especial pasobra e economia a reduci entradanan di propaganda drasticamente. Hopi medio local, mediano y chikito, a disparce lagando comunidadnan nan so, awo mas vulnerabel pa inhusticia y corupcion. Otro medionan mester a haci nan mes mas chikito pa enfrenta e crisis, debilitando contenido y nan futuro. Y casi tur mester a inverti den pura den e cambio di modelo di negoshi pa caba di brasa e transformacion digital, adkiriendo debe cu cual nan ta compromete nan existencia.
E economia aki, entre e balor di medionan den un democracia y su lucha pa no disparce, ta un di e prioridadnan di e sociedad di prensa. Un sociedad democratico ta aprecia pa su institucionnan civico fuerte y independiente y pa un prensa robusto. Ta kere cu e paisnan mester sigui aporta na stimula y soluciona tur e sectornan di economia, incluyendo prensa cu den hopi pais a keda na werki como industria, pa permiti nan sigui fortalece na e sociedad memey di e adversidadnan.
Na juli y october a manda un carta na tur e gobiernonan di e continente Americano, cu ta bisa: “Den temponan di crisis y emergencia, periodismo independiente y medionan profesional ta escencial pa e nacionnan liber. Ta sigura su viabilidad y permanencia ta un responsabilidad di e sociedadnan democratico”.
Canahuati a continua bisando “Den e sentido aki, ta reitera nos satisfaccion na presidente Ivan Duque di Colombia, pa ta e prome Gobierno Americano cu a inclui un pakete di estimulo den su ley di presupuesto – ya aproba pa 2021 – cu ta contene mas di 20 miyon di dollar pa incentiva e transformacion digital, e fortalecimento y e reactivacion economico di e medionan di comunicacion. Tambe nos ta reitera nos aprecio na e Partido Cambio Radical de Colombia, cu, den e entendimento di e situacion grave cu medionan ta biba, a presenta na Congreso nacional un ley cu ta inclui prestamo, estimulonan economico y di impuesto cu consideracion special na medionan di informacion regional. Nos ta compronde cu e Partido Liberal, entre otro, ya a manifesta di forma positivo na e iniciativa aki cual lo ta aproba den e proximo ehercicio parlamentario.
Nos ta convenci cu e iniciativanan aki di e podernan Ehecutivo y Legislativo di Colombia, cu medidanan tecnico, obhetivo y di control y transparencia y respetando e independencia editorial, por contagia y adopta otro gobiernonan di e region cu tambe ta balora e papel primordial cu periodismo profesional y independiente tin pa e bida democratico.
Nos ta kere cu tambe ta substancial acerca e dialogo aki na organismonan multilateral manera e Banco Interamericano di Desaroyo, Banco Mundial y e Corporacion Andina di Fomento, entre otro, como tambe organisacionnan cu ta defende democracia y libertad di expresion, manera e Organisacion di Estadonan Americano y e Comision Interamericana di Derechonan Humano y su Relatoria Special riba Libertad di Expresion. Tampoco nos kier laga afo e fundacion, institucionnan no gubernamental y empresa priva, sabiendo cu libertad di prensa, prensa independiente y democracia ta derechonan y mester ta universal, manera ta inclui den casi tur e constitucionnan Americano. Aña 2021 lo tin e retraso di e aña aki di e pandemia. E efectonan negativo lo sigui of, den hopi caso, lo bira pio. Manera un sociedad, nos tin e responsabilidad di sostene y fortalece e balornan democratico.
For di SIP nos lo sigui apoya periodismo y nos socionan cu iniciativanan di apoyo na proyectonan di desaroyo digital, convenci cu e sostenibilidad y fortalesa di medionan ta rekisito indispensabel pa mantene e derecho di publico pa ta informa. Y manera semper, pa e balornan democratico, nos lo mantene nos lucha feroz pa e vigencia di libertad di prensa y di expresion na cual nos ta compromete e declaracionnan di Chapultepec y di Salta.”
SIP ta un organisacion sin fin di lucro dedica na defensa y promocion di libertad di prensa y expresion den e continente Americano. E ta componi pa mas di 1300 publicacion di e hemisferio occidental y tin sede na Miami, Florida, Merca. Na Aruba, nos compania, Headlines Group, cas editorial di 24ora.com ta un di e miembronan prominente y activo.
