Sociaal Crisis Plan ta bezig c’un proyecto mas di dos aña ta andando, cual ta e centronan di cuido na Aruba y nan estado actual.
Segun process manager di Sociaal Crisis Plan, Glenda Hernandez, esey ta un tema central ora cu ta bay drech’un cas of algo, semper kier sa kico ta e estado di cuido actual.
Esey ta loke nan kier sa di e centronan di cuido. Ora cu a cuminsa cu e proyecto tabatin mester di informacion of potret di e situacion cu a cuminsa cu ne pa mira kico tin cu cambia y kico ta mas urgente y cuanto tempo tin cu tuma pa cambia e situacion.
Durante un rueda di prensa, a duna un bista kico e situacion actual ta. Esey yama un ‘nul meting’. Den tur sector ta uza e palabra ey, cu ta un film of un potret di e situacion actual.
Sociaal Crisis Plan tin cuater aña y awo, e gobierno nobo tin cu tuma un decision. Hernandez a menciona cu a cuminsa cu 34 proyecto, a evalua y e reportahe ta cla. E rapport a bay conseho di minister y despues parlamento. A traha plan, pero ainda no a dialoga riba dje.
P’e hecho ey a formula e vision y mision di Sociaal Crisis Plan (SCP). Hernandez a menciona kier un Aruba unda cu e muchanan por crece den un ambiente di siguridad.
Nan por crece contento y sin preocupacion, cu confiansa. Esey ta e vision cu SCP ta mira pa e muchanan, sin importa unda nan ta biba y unda nan ta hunga. Ta algo cu ta mira cu mester por ta realisabel pa e muchanan.
PRE-CONDICION DI CRECHE
Sue-Ann Ras, coordinado nacional tanto implementacion di codigo di proteccion como tambe e ley di ‘kinderopvang’, a menciona cu fo’i 15 di juni 2017, e ley di ‘kinderopvang’ a pasa unanimamente den parlamento. Intencion tabata e momento ey cu dia 1 di juli 2018, e ley aki mester a drenta na vigor. Pero p’e drenta na vigor mester a traha den e pre-condicionnan, unda cu mester a pone tur esaki na luga pa e ley por funciona.
E ley aki ta simplemente pa garantisa, pero tambe pa salvaguardia loke ta trata e exigencianan di calidad di cuido di mucha den e centronan di cuido.
Mester wak e cu e tin un link directamente cu tur loke ta trata di derecho internacional di mucha como tambe e leynan local, cual tratado ta bay riba ley. Ta algo cu sigur mester haya su atencion y pa hopi aña.
Tin mas of menos tin 20 aña cu ta purbando pa e ley aki pa drenta na vigor. E resultado aki ta bay duna un bista kico tur ta bay drenta den e ley.
E ley ta drenta den fase. Tin cierto cosnan cu ta drenta inmediatamente, specialmente si sali for di e punto di bista di e siguridad y atencion pa nos muchanan ta central.
Pa cobertura mas amplio lesa edicion di TREMPAN mañan.
