Iglesia Vida Abundante a clausura nan campaña di luna di september ‘Hope is Here’. E iglesia no solamente kier trece speransa na nos comunidad cu palabra di Dios pero tambe haciendo esaki cu accion. Pa e iglesia, no tin miho manera pa demostra e amor di Dios. Pa motibo di esaki, nan a acerca Fundacion Pa Nos Comunidad.
Nan meta tabata p’e fundacion asigna un cliente cu ta biba su so, di edad avansa y cu en realidad tin mester di ayudo. E iglesia ta contento di por a traha cu FPNC p’asina logra nan meta. Nan no por a logra esaki nan so, nan ta gradici cada miembro di Iglesia Vida Abundante cu boluntariamente a traha duro, cu amor y pasion, pa trece speransa y un sonrisa pa un persona cu tabata mester di dje. Alabes nan ta gradici tur sponsor cu a haci esaki posibel.
Iglesia Vida Abundante ta recorda comunidad di Aruba cu: “tin speransa den Hesus.” Por bishita e iglesia tur diadomingo, 10:00 am na Bernhardstraat 119, San Nicolas. E vision di e iglesia ta pa continua cu proyecto manera esun aki, si bo kier ta parti di dje por manda un e-mail na [email protected]
