Durante henter su bida, e monarca a presenta varios momento historico manera e di Dos Guera Mundial, e Guera Friu, e lantamento y caida di Muraya di Berlin, e desintegracion di Union Sovietico y e tensionnan nobo na mundo. Reina Elizabeth II, monarca di e Commonwealth of Nations, a fayece na edad di 96 aña.
“E reina a muri pacificamente na Balmoral awe tardi. E Rey y Reina consorte lo keda na Balmoral awe nochi y lo bay bek London mañan diabierna”, Palacio di Buckingham a bisa den un comunicado.
E monarca tabata gosa di hopi poder cual varios monarca Europeo ya no tin mas. E historia di su bida ta un testimonio di e cambionan cu mundo a experimenta, como e actitud pacu e institucion di e monarkia a lo largo di siglo XX. Ta un serie di echo dramatico di siglo e por haya e episodionan cu ta revela e rasgonan mas destaca di e personalidad y di e caracter di Elizabeth II.
E monarca a nace na London dia 21 di april 1926 y a ricibi su educacion pa instructornan particularnan na su cas. Materia di historia, literatura y musica ta predomina den su formacion, aunke su educador, Marion Crawford, a describie como un pasion pa cabay y cacho.
Su tata a ascende n’e trono como George VI na 1936 despues di e abdicacion di su ruman Edward VIII, cu a namora di Wallis Simpson, un Mericano divorcia dos biaha, pa cual e mester a renuncia su cargo. Na 1940, Isabel di 14 aña, a realisa su prome emision di radio pa e programa di BBC, “Children’s Hour”, unda el a declara: “Nos ta purbando di haci tur lo posibel pa yuda nos marineronan balente, soldaat- y pilootnan y tambe nos ta purbando di afronta nos mesun parti di peliger y e tristesa di e guera. Nos sa, cada un di nos, cu na final tur cos lo sali bon.”
Durante su preparacion pa e bida politico, e futuro Reina a tuma les di historia constitucional y ley na Eton College. Na februari 1945, el a drenta e Servicio Teritorial Auxiliar di Muhe como 2nd Luieteniant Honorario, unda cu el a fungi como chauffeur y mecanico. Dia 20 di februari 1947, e futuro Reina a casa cu Prins Philip, for di cual matrimonio a sali cuater yiu: Charles, Ana, Andrew y Edward.
Na 1951, a diagnostica su tata, Rey George VI, cu cancer di pulmon, cual a impidie di sigui realisa aparicion publico. Elizabeth mester a reemplas’e y solamente un aña despues, e monarca a fayece. Como su heredero oficial, el a ascende n’e trono cu 27 aña di edad y su coronacion a tuma luga na aña 1953.
Isabel II a bira e monarca cu mas a dura den historia di Reino Uni. Victoria,su tatarawela tabata na mando 63 aña y 7 luna. For di Winston Churchill te cu Boris Johnson, 15 prome minister a pasa bou di e reinado di Reina Elizabeth II, cu tabata testigo y protagonista di algun echo importante y historico durante su bida, incluyende e desintegracion di e Imperio Britanico.
Reina Elizabeth II ta soberano di diescinco pais di e Commonwealth riba cual Elizabeth II tabata soberano y e demas paisnan di e Commonwealth of Nations.
A activa protocol
E prome persona pafo di e circulo di Cas Real Britanico den ricibi e noticia tristo tabata e minister-president di Inglatera. E secretario priva di Reina Elizabeth II, Edward Young, tabata esun cu a transmiti “London Bridge is Down” via un liña di telefon sigur. Asina cu a ricibi e informacion, a baha e banderanan di Parlamento Britanico y consecuente delegacion na Escocia, Wales y Irlanda del Norte, na halfstok.
