E tematica di pago di salario y gelijkbedrag p’e trahadonan di SABA sigur tabata algo pa discuti y awe el a culmina cu e intermediacion di mediador di gobierno pa por yega na un areglo.
A papia cu Gina Maduro, presidente di sindicato ABV, kende a splica cu desde 6 di october caba SABA a dirigi un carta na minister Ursell Arends, indicando e suma pa e gelijkbedrag, sin conta e salario cu nan tin un suma cu nan ta haya tur luna, cu ta inclui e salario plus exploitatiekosten.
A dicidi e ora manda un carta pa evita cu loke a pasa na januari y na juni. Cada biaha cu mester paga extra tin e mesun problema. Di parti di SABA, a dirigi un carta pa evita esaki. Lamentablemente a yega e dia pa cuminsa paga cu e salario mester a pasa. Pero no tabatin e placa aloca, ni completo di e salario, ni tampoco e gelijkbedrag cu SABA no por a haci pago na su trahadonan.
Di mainta trempan a pone ABV na altura y a cuminsa comunica di biaha. Di parti di SABA tur e dianan aki nan tabata bezig caba pa hustamente evita esaki. Pero door cu diabierna a yega y ainda no a aloca e placa, no a keda nada otro pa SABA informa su trahadonan cu e placa no tabata completo pa por a haci e pago.
Nan tabatin tur payroll cla, pero e fondonan nan tabata warda. Esey a pone cu ABV a move di tur banda, via Minister, via Mediador di Gobierno cu a tuma esaki na serio. El a pidi pa 11:30 am pa reuni cu tur partido. A reuni cu Meijer di Raad van Toezicht, hunto cu dos shopsteward di SEPPA hunto cu ABV.
Segun Maduro, ABV a trece nan preocupacion dilanti cu e trahadonan kier nan placa y no mita. Tabatin un proposicion pa paga mita gelijkbedrag y wardando e salario. ABV no ta di acuerdo cu ne pasobra awe ta payday. E trahadonan tin di haya placa completo y e gelijkbedrag completo. Nan a traha completo y no mita. Sa cu ta bezig cu esaki actualmente y ta spera cu awe ainda tur trahado por ricibi nan salario, plus nan gelijkbedrag.
Pa mas detaye lesa TREMPAN.
