Directiva di sindicato SIMAR a yama un conferencia di prensa unda a cuestiona con decisionnan tuma durante e crisis di COVID-19 tabata den forma unilateral. Den e conferencia a hiba palabra Josephine Albertus, presidente di e sindicato di maestronan.
El a papia ampliamente riba nan preocupacion pa e actuacion unilateral di Gobierno den tumamento di decision pa cual e sindicatonan awo y pueblo mester bisa “ta basta”.
P’esey a invita tur miembronan pa ta presente diaranson merdia 3’or na ex DOW pa marcha hunto direccion di Bestuurskantoor. Pa di e forma aki demostra cu e ta algo cu no ta sindicatonan so, pero pueblo tambe ta di e pensamento aki. Nan ta invita henter pueblo pa compaña nan durante e marcha.
Nan preocupacionnan no ta solamente e medidanan, pero e cambionan unilateral den enseñansa. Nan ta dispuesto pa entrega pa pero tur cos mester ta husto. Asina a cuestiona e solidaridad di Parlamento cu no ta mescos cu loke ta pidi di e trahadonan. Asina Parlamento a pasa e ley unda ta reduci salario cu 25% te cu 31 di december awo, mientras cu e medidanan contra empleadonan ta “te cu proximo aviso”.
SIMAR kier a bisa cu nan semper ta dispuesto pa sinta na mesa y duna nan claridad. Si loke nan ta propone ta husto, anto mustra nan cu tur cos y consulta cu otro. For di 20 di april no a sinta na mesa mas.
