E siman aki ta celebra e Siman di Reclassering, caminda cu ta duna tempo pa duna mas informacion na comunidad riba nan diferente trabao y e diferente proyectonan cu tin.
Segun directora di e Stichting Reclassering, Seraida Pemberton-Leonard, durante full aña ta haci cierto trabaonan. Pa duna mas informacion, ta concentr’e den un siman, cual ta tur aña na october, pa asina realmente tuma tempo pa hende sa kico Reclassering ta haci.
Ta tende di Reclassering, pero kico precies nan ta haci, den e siman aki nan ta tuma nan tempo pa informa.
Kico ta Reclassering
Reclassering ta duna guia na tur hende cu a haya nan mes den problema cu husticia y poni bao di Reclassering door di ministerio publico, un hues of minister di husticia.
Teambuilding
E trabao di e fundacion ta uno basta delicado y pisa y den e siman di Reclassering e coleganan ta tuma tempo pa pasa un rato hunto y traha riba e teambuilding.
A scoge awe pa bin den un setting relaha pa por traha belanan aromatico pa asina toch tin un tiki tempo ameno hunto.
E contacto cu e cliente
Reclassering ta traha cu un grupo cu no ta habri tur ora pa guia. Mester ta toch innovativo pa wak con por yega na nan y mester a bay over na haci’e hopi digital, esta via zooming, Whatsapp call, completamente den un forma cu por bay sin tin contacto personal cu e cliente, pero toch ta control’e, ta papia cu ne via telefon of Zoom.
Informacion
Si kier mas informacion riba Reclassering, ta invita tur hende pa subi riba na pagina di Facebook diasabra anochi 6’or y mey, unda cu nan tin un programa special yama “A true rolemodel”, caminda cu nan ta reclutando mentornan boluntario. Den e lifestreaming ta haya hopi informacion varia, hopi creativo riba e trabao cu Reclassering a bin ta haci.
