Aruba Airlines ta informa e comunidad di Aruba cu un biaha mas nan lo tin e grato honor di por organisa e acostumbrado “ Shopping Night “ y esaki lo bay ta dia 29 november na e oficina principal na Cumana.
E evento aki lo tuma luga entre 6:00 – 10:00 PM y durante e anochi nan lo duna un 10% descuento ariba cada pasashi cu bende pa cualkier destinacion cu e cliente ta desea.
Si bo tin un vakantie programa di awor te cu fin di mei 2020, esaki ta bo oportunidad pa por haci e compra di bo pasashi ricibiendo e 10% di descuento ariba cualkier destinacion cu Aruba Airlines ta bulando. Pa por haci compra di e pasashi mester trece un paspoort valido.
Música ta den man di DJ Jeffrey, cushina ta bou di encargo di Franklin cu lo ta sirbi su dushi ayaca y su tremendo ham di Pasco. Aruba Airlines ta gradici e comunidad cu semper a confía den e compania pa por a sigui haci uzo di nan vuelonan y ta spra di por wak e clientenan hopi biaha mas den futuro. Alabes Staff y Personal di Aruba Airlines ta desea e comunidad di Aruba feliz día nan di fiesta.
