Conseho aworaki di Crisis Team pa uza un QR code como prueba di entrada. Ta papia e ora di evento masal (grandi). Tabatin combersacion cu SMAC pa coordina esaki mas miho cu ta posibel (Test Event) y cu tur por siña di esaki y mira con mas miho por bay over na evento mas grandi.
Entre evento cu SMAC lo ta encarga cu ne, DVG a pidi nan pa tin dos siman entre cada evento minimo. Pasobra dos siman ta duna un bista cu si tin caso ta sali for di e evento ey.
Teniendo cuenta cu e dos simannan cada biaha, SMAC lo bin cu su proposicionnan kico lo e bin cu ne como evento.
Tin contacto regular cu SMAC. Segun Sharline Koolman ta purba di guia nan mas miho posibel y nan tambe ta bin cu cierto proposicion y claramente DVG ta dispuesto pa scucha tur esaki pasobra nan tambe kier bay bek na un normalidad.
P’e motibo ey Crisis Team ta hopi habri y dispuesto pa sinta cu SMAC pa mira con ta coordina esaki mas miho. For di eynan lo bin mas protocol si tin mester pa otro evento cu lo por cuminsa tuma luga e ora ey otro aña.
Pa cobertura mas amplio lesa edicion di TREMPAN mañan.
