Mescos cu na principio di e pandemia di COVID-19 a establece varios regla di cuarentena pa esunnan cu a bin den contacto cu un persona infecta cu e virus, durante di e conferencia di prensa di gobierno, unda cu a anuncia cu a lanta tur medida, a bin algun adaptacion n’e reglanan di cuarentena.
Segun Sharline Koolman, hefe di seccion di malesa contagioso na DVG, a splica cu tur persona cu ta biba cu e persona cu tin COVID, mester bay den cuarentena pa cinco dia cu excepcion di:
1. Esunnan cu a recupera di COVID-19 durante e ultimo 3 lunanan.
2. Esunnan cu a ricibi un boostershot durante e ultimo 7 dianan desde cu e tabatin contacto cu e persona.
3. Tambe e ta conta pa mucha y hoben di un te cu 17 aña cu tampoco no ta bay den cuarentena.
Si desaroya sintoma durante e ultimo 5 dianan, e ora mester tuma contacto cu e dokter di cas.
Ta prefera p’e dokter di cas y palabra cu ne si ta bay test y ki dia mester test.
Tambe lo por haci esaki ainda. E ta disponibel via e website. Riba e website di COVID-19 ta mira tambe e aplicacion cu por pidi pa haci e test. Ey ta haya un code, cual ta hinc’e den e Aruba Health App y basa di esey ta haci un cita y por bay haci e test, si tin mester.
Si no tin sintoma despues di cinco dia, por stop e cuarentena, pero mester mantene uzo di tapaboca pa cinco dia mas. Vooral e momento cu tin contacto estrecho cu mas hende, entre otro hende den cas cu no tin sintoma y mas principal un biaha mas, si ta traha un caminda, mantene e tapaboca mas tanto posibel.
Pa un cobertura mas amplio lesa e edicion di TREMPAN di mañan.
