Hulanda no ta duna un claridad riba e echo con Aruba tin di paga e debe di 1.500 miyon di florin.
Durante rueda di prensa drs. Shailiny Tromp-Lee, parlamentario (MEP), a bay riba e debe cu a reconstrui of crea durante e temporada di pandemia. Recientemente gobierno a indica cu dia 12 y 13 di januari lo tin un reunion na Sint Maarten unda cu e prome ministernan di Sint Maarten, Corsou y Aruba conhuntamente cu Secretario di Estado Alexandra van Huffelen ta sinta un biaha mas na mesa. Pa loke ta e aspecto dje negociacionnan cu ta trata e condicion pa Aruba paga e debe di corona no ta riba agenda. Un otro aspecto remarcabel ta cu na october binidero Aruba mester cuminsa paga parti di e debe aki.
E ta haya cu ta bon pa pueblo cuminsa realisa cu desde momento e pandemia di Coronavirus a bini, Aruba a crea un debe di 916 miyon di florin. Pero tambe a fia mas di 500 miyon florin pa por a paga debe cu a madura, debe cu mester a refinancia. Pa dos aña y mey gobierno cu gobierno a atende e temanan, pero Parlamento di Aruba tambe a cay aden momento cu mester a atende cu COHO y RAFT.
Tin cu papia con ta bay paga esakinan. Segun Tromp-Lee, Gobierno di Hulanda kier a sigura con nan ta bay trata e parti di supervision. Con nan ta bay controla cu e gobiernonan, entre otro Gobierno di Aruba, ta bay cumpli cu e condicionnan stipula.
Pa mas lesa TREMPAN.COM.
