Dialuna a tuma luga un reunion publico den parlamento unda cu a trata e situacion di RWZI como tambe rapport di Carmabi. Lider di fraccion di partido MEP, Shailiny Tromp-Lee, a comenta cu durante e prome tanda di e reunion publico aki, Tromp-Lee a habri enfatisando cu scucha ta un arte y cu a keda demostra cu oposicion simplemente no kier scucha.
Tromp-Lee a bisa esaki pasobra hopi t’e preguntanan cu oposicion a haci dialuna, cu ya a haci y debidamente contesta durante di nan encuentro publico durante diahuebs ultimo.
Unico pregunta cu por haci ta e ora cu si berdad oposicion ta interesa den un contesta di parti di gobierno.
Ta hasta resalta cu mas bien simplemente kier sigui punta dede sin kier mira atras y mas pio ainda, indicando di no ta mucho interesa pa aporta y yuda pa yega na un solucion duradero pa nos pais.
Realidad ta, segun e parlamentario cu den e contesta ricibi te awo, un cos ta resalta. Gobierno ta acepta y ta subraya e realidad. Ta bon pa pueblo sa un tristo realidad di berdad.
Ya nan a tuma paso pa atende cu diferente punto di urgencia y e plannan concreto a corto y largo plaso, presenta pa loke ta trata solucion pa drecha nos situacion.
Tromp-Lee tambe a elabora riba un aspecto presenta dialuna door di lider di MAS, Marisol Lopez-Tromp, unda cu el a indica y a bisa cu tempo e tabata minister, e no tabatin acceso n’e rapport. Pero claramente por a scucha y por subi riba e pagina di Facebook di parlamento, y scucha e director di Directie Natuur en Milieu, a enfatisa den su contesta, caminda cu el a informa cu tur cuater minister cu el a traha bao nan desde 2019 te cu awo, debidamente tabata na altura di e observacion y e situacion di gravedad pa loke ta trata e rapport aki cu a presenta awo den prensa.
Pa un cobertura mas amplio lesa e edicion di TREMPAN di mañan.
