Dia 30 di october 2022 a tuma luga e Congreso di MEP y a reeligi Evelyn Wever-Croes como lider di MEP pa cuater aña. Durante di e Congreso a toca mi persona pa hiba palabra y mas cu claro mi a subraya y accentua e liderazgo di nos lider di partido y prome minister di nos pais Evelyn Wever-Croes.
Un pal’i muhe manera hopi ta consider’e. El a sa di demostra curashi y determinacion y a sa di para firmemente pa integridad y bon gobernacion. Su capacidad y liderazgo ta demostra. Su maneho hiba y e decisionnan tuma durante pandemia ta confirma esaki. Un hende muhe, un casa y mama, un politico, un lider di partido, nos prome minister presidente femenino ta di admira.
El a sa di gana aceptacion y admiracion durante su trayectorio y a demostra cu e ta un digno lider pa nos prestigioso partido Movemento Electoral di pueblo y di nos pais. Pa es motibo aki mes durante e Congreso, mediante di un aclamacion e la keda reeligi como nos lider di partido un biaha mas.
Un pabien na su persona y cu Papa Dios sigui dun’e e don di sabiduria.
