SETAR ta contento di anuncia cu lo transmiti e pelea entre Mayweather contra McGregor diasabra awor “en bibo”. Esaki ta riba e canal FOX Premium Action, canal 223 y den HD 422. E canal aki por cierto tambe a sera un acuerdo cu UFC pa por transmiti “en bibo” tur e peleanan grandi di UFC, manera UFC 215 dia 9 di september proximo.
Pa cliente haya acceso na e canal di FOX Premium Action, e mester tin un paquete cu tin canalnan di FOX Premium. Cliente cu ainda no tin esaki y ta desea di wak e pelea, por pasa ainda cualkier Teleshop di SETAR of SETAR Store pa upgrade e pakete di Cable Digital.
Pa mas informacion por tuma contacto cu SETAR na 525-1700.