aña aki SETAR kier a haci algo pa duna e comunidad bek. A bin cu e idea pa duna tur hende chens pa fin di aña pa haci tiki limpi rond di cas pa nan por habri e aña cu un ‘clean start’ rond di nan cas.
Segun Urvin Robert, di e departamento di mercadeo, a bin cu e idea pa purba di pone baki den diferente bario pa e hendenan haya e chens pa tira sushi afo.
A pensa basta con pa hacie y cu conseho di otro compania cu a yuda brainstorm. A haci uzo di bobcat pa yuda esunnan cu mas edad y no por lanta sushi. Den cada location di e bakinan a pone bobcat disponibel pa yuda tur esunnan cu tin mester.
Esaki ta tumando luga awe, 4 di december y mañan diadomingo 5 di december, di 8:00 am te cu 3:00 pm tin e chens pa tira sushi den e diferente luganan cu tin baki.
Na San Nicolas tin na Aruba Store, na Pos Chikito tin na veld di Universal. Na Santa Cruz tin na Centro Deportivo Libertador Betico Croes. Na Barcadera mes ta habri. Tin tambe na Paradera riba e veld di Rooi Afo. Na Dakota tin un baki na Don Elias Mansur Ballpark. Na Madiki tin un baki na Centro di Bario Playa Pabao y na Noord tin un baki na Colegio Felipe B. Tromp.
