A registra un total di 94 caso nobo di COVID-19, di cual 84 ta residente y 10 no-residente, haciendo e casonan activo na 538. Esaki ta segun e resumen di Departamento di Salud Publico.
E resumen ta sigui bisa cu 66 persona a recupera. Cantidad total di testnan ehecuta diahuebs na e diferente localidadnan, entre otro laboratorio di hospital, laboratorionan priva y aeropuerto, tabata di 757. Positivity Rate entre e residentenan ta 27%.
Cantidad di fayecido relaciona cu Covid-19 ta na 50.
Hospital ta informa cu tin un total di 10 persona interna di cual 7 ta den Cuido Intensivo y 3 riba unidad general di covid.
Manera cu ya ta conoci, protocolnan ta keda na nan luga pa asina evita sigui propaga e virus di corona. Tambe ta recorda un y tur pa mantene distancia, bisti tapaboca na tur momento, pa bo propio siguridad y di otro.
E bataya contra Coronavirus ta continua y e ta cuminsa cu abo, como ciudadano pa evita cu e sigui plama.
