Sindicato SEPPA tabata na Parke Nacional Arikok y nan tin basta tempo caba ta purbando pa yega na un solucion. Edmundo Marlin a splica cu SEPPA ta bezig cu e situacion di e trahadonan pa basta tempo caba. Tin basta disgusto.
Cosnan cu no ta canando bon pa e trahadonan den Parke Arikok, vooral pa nan posicion huridico. Riba esey nan tin hopi keho den e forma con e directiva of gerencia nobo cu ta atende cu e parke, no ta atendiendo cu nan debidamente, pasobra ki ora cu nan pidi reunion, no ta haya reunion.
Diaranson, e trahadonan a haya un memo y e memo aki, cu a pone nan rabia masha lihe, pasobra nan a sinti cu tin cosnan den parke cu no ta compronde kico ta pasando y ta esaki ta loke SEPPA ta bisando. Hopi biaha bo por bin cu bo kier bin cu cambio. Bo tin cu sinta papia cu e trahadonan, splica nan kico ta bo cambionan y unda bo kier bay. E trahadonan aki tin basta aña cu basta cos di nan cu no a wordo regla y ainda e cosnan aki mester wordo regla. Pa bin atende cu otro cosnan nobo, sin atende cu e posicion huridico di e trahadonan, ta crea un problema serio. En berdad bo por tin vision pa futuro di e Parke, pero tene cuenta cu e trahadonan tin mas cu 10 y pico aña cu nan cosnan no ta regla. Tanten cu e cosnan aki no ta regla, lo keda haya e friccion aki, vooral si e trahadonan tin basta luna caba ta pidi reunion cu e gerencia y gerencia no ta dunando oido rib esaki. P’esey diaranson mainta, e trahadonan a sali, pa motibo cu un memo cu a sali cu nan no ta compronde e contenido di e memo y unda kier bay cu e parke. Pesey a yama e sindicato, pasobra banda di esey, a pidi un reunion pa papia cu e trahadonan, basa riba un situacion cu ta andando awor aki, cu tin di haber cu tur e fundacionnan. Esey ta bezig ta atendiendo, hunto cu e minister di labor y asuntonan social, cu ta sr. Glenbert Croes riba e asunto ey.
Pero loke cu kier indica cu tin mas desaroyo nobo ta tumando luga, sin conocemento di e trahadonan. Esaki ta pone cu e trahadonan a rabia mainta y a dicidi cu nan kier haya e informacion di e sindicato si nan sa di esaki, caminda cu no sa di nada. Tin cu bay pidi un reunion cu gerencia pa haya sa kico ta pasando y kico tin. Banda di esey, con ta bay caba di regla e asuntonan di e trahadonan cu ta pendiente pa basta aña caba.
Marlin a menciona cu cada rato un director ta cambia den e luga. Cada rato un hende nobo tin cu bay interpreta su mes pa loke ta pasando, con pa anda cu e cosnan aki. E cosnan aki ta creando problema den Parke, pasobra no tin un stabilidad. Cada rato cu cambia gerencia, ta keda topa e problemanan aki.
Presidente di directiva
En berdad e presidente mes di e directiva no a cambia. Pero esun cu ta tuma e decision directo, ta e director di e parke. Automaticamente ora e drenta, si e no tin e informacion, e tin cu bay busk’e prome cu e bay atende cu e cosnan aki. Con cu bay bin, e board tey pa duna blessing riba tur decision cu e ta bay tuma, pero tanten cu e tampoco no ta tin conocemento di e problemanan, e no por atende nan manera mester ta. Esaki ta cosnan cu ta haya constant, cu cada biaha tin un director nobo, e ta cay atras. E ora e ta bay find out con e cos ta hinca den otro. Locual ta sosodiendo, e trahadonan, cu tur nan rason, nan cosnan huridico cu mester wordo regla, ainda ta pega. Y DRH ta atendiendo cu e cosnan aki. Awor e trahadonan a bin tende cu DRH no ta atende cu nan mas. E ora ey, nan mester bin splica sindicato dicon DRH no ta atende cu e cos aki mas. Kico ta e motibo, e sindicalista ta cuestiona.
