Un accion anuncia mucho riba man a pone cu gerencia di Arubus a dicidi di bay Corte. Nan a exigi pa e sindicato SEPPA avisa nan por o menos 72 ora di cualkier welga, accion of reunion cu lo trece interupcion di trabou, na gerencia. Segun decision tuma e siman aki, gerencia di Arubus tin derecho pa exigi esaki.
E pregunta primordial den un caso sumario, unda cu no tin tempo y espacio pa busca informacion, ta si den un caso den bodemprocedure Arubus tin chens pa haya un decision na su fabor, pa cual lo por duna nan rason den un caso sumario.
Entre e compania y SEPPA tin un CAO firma na augustus 2012, cual nunca a wordo reemplasa. Si ta berdad cu despues di 4 luna di negociacion a firma un protocol dia 12 di december 2019. Pa hopi tempo caba tin un diferencia di opinion pa cu cumplimento of ehecucion di e Protocol aki. E diferencia di opinion aki a conduci na diferente accion colectivo di e chauffeurnan di bus den forma di reunionnan durante oranan di trabou cu a causa paro den transporte publico y transporte di studiantenan.
SEPPA den un carta dia 30 di augustus 2022, a bisa Arubus e mesun dia ey lo reuni entre 12:00 pm y 2:00 pm (pues durante ora di trabou). E tema ta e diferencia di opinion relaciona cu e protocol.
Loading…
Reload document 
Open in new tab Arubus a informa cu nan no tin problema pa accionnan colectivo organisa, basta cu avisa nan na tempo. Gerencia a bvisa cu nan kier sa di e accion- of reunionnan por lo menos 72 ora prome. Di e forma aki pa adapta e schedule di e sistema di transporte. Esaki na bienestar di su pasaheronan, y tambe muchanan di scol. SEPPA di su banda no a splica mucho bon pakico lo no por cumpli cu e 72 ora di aviso.
