Diaranson un delegacion di futbol U20 a sali rumbo pa Honduras, caminda cu nan lo bay representa Aruba.
David Abdul, Coordinador AVB, a cuminsa na bisa cu nan a logra nan World Cup Qualifications, den e ultimo 16 teamnnan den Caribe. Nan lo ta participando cu e grandinan manera Merca, Haiti, Panama, Jamaica. Mexico, Costa Rica.
Aruba ta den pool cu Panama, El Salvador y Guatemala, di cual 3 ekipo lo clasifica. Ta spera cu Aruba su hungadonan lo por duna un bon papel.
Un total di 20 hungado a biaha, di cual 9 ta di Aruba y 11 di Hulanda. Di e diesunnan aki ta hungadonan local cu ta hungando na Hulanda, den cual tin 3 cu ta hungando profesional. Kymani Nedd y Mishawn Molina pa Excelsior Rotterdam y Javier Paredes cu ta hunga pa VVV Venlo, cu ta ruman di Benjamin Maria di Nacional. E otronan ta hunga amateur, pero na un nivel hopi halto. Sigur ta un refuerso pa e seleccion.
