Un persona riba e caminda di Noord direccion Playa a yama polis. E kiermen cu tin un chauffeur di un Cavalier blanco coriendo hopi malo riba caminda y e ta mustra di ta burachi. Polisnan a standby pa su yegada den e area di Playa. A blokia e Cavalier banda di Rotonde La Sallestraat.
Polis a bay atende cu e chauffeur. A resulta cu e chauffeur ta un security. El a caba di traha na hotel. E tin 3-11 y net tabata caminda pa cas. Polis a atende cu ne y e tabata bon bon.
Un persona a duna polis noticia falso. Ademas riba e caminda di Tanki Flip pa Playa e reportero di 24ora tabata mire ta core bon bon. Despues di un control y algun pregunta cu e respet necesario, e chauffeur por a sigui su caminda. E ta biba den Potrero Weg na Dakota.
