Secretario di Estado, drs. Alexandra van Huffelen, a laga sa cu siman pasa el a topa cu Prome Minister di Aruba mr. Evelyn Wever-Croes, mirando cu ambos tabata na New York pa loke tabata e reunion di Nacionnan Uni. Akinan a tuma un chens di combersa un rato tambe.
Van Huffelen ta informa nos di a palabra cu Aruba lo bay sigui traha riba e forma di ‘hybride oplossing’, lo kier ora ta trata riba supervision financiero. Nos a puntra e secretario di Estado si e tin suficiente confiansa den e gobernacion y parlamento di Aruba pa por logra yega na e acuerdo aki. Van Huffelen ta indica cu confiansa ta e fundacion di e colaboracion cu otro, confiansa y respet. Di e forma aki lo semper trata cu e gobernacionnan di e islanan y ta spera di por yega bon na otro.
“Nos ta haya sumamente importante pa bin cu un Rijkswet pa supervision financiero, y nos ta keda para tras di esaki”, el a indica. E secretario di Estado ta sigui splica cu Prome Minister di Aruba a propone si por haci un particion den loke ta pone un paro na esaki den e Rijkswet pa supervision financiero y kico ta haci den un Landverordening eventual. Van Huffelen a puntra pa sigui traha riba esaki y lo sigui dialoga riba e parti aki den e temponan venidero.
Pa mas lesa TREMPAN.COM.
