E seccion di Foodhandlers di Dienst Besmettelijke Ziekten (DBZ), Directie Volksgezondheid (DVG) lo ta mudando y pa cu esaki nan lo ta cera pa 1 dia y mey.
Entrante dialuna 30 di October 2017 e servicio di Foodhandlers lo wordo brinda den e edificio di Dienst Warenkeuring en Hygiene na dr. Oduberstraat 1. Gerencia ta pidi clientenan di Foodhandlers pa tene cuenta cu diahuebs 26 di October 2017 cu despues di 12:00 no lo por atende niun hende, pasobra lo cuminsa cu e proceso di mudamento. Diabierna 27 di October 2017 e departamento lo ta cera henter dia pa asina por sigui muda p’e edificio nobo. Ta informa tur clientenan di Foodhandlers cu entrante dialuna dia 30 di October 2017 e servicio di Foodhandlers lo ta den e departamento di Dienst Warenkeuring en Hygiene (DW&H, esta Hygienische Dienst) cu ta ubica den e edificio cu ta dr. Oduberstraat 1.
E orario lo keda mescos pa atende publico entrante dialuna 30 di october esta di 7:45am pa 11:45pm y di 1:15 pa 3:30pm. Gerencia ta pidi su disculpa p’e cambio aki y ta pidi pa tene cuenta cu esaki, unda cu dialuna DW&H lo ta atendiendo e clientenan di Foodhandlers bek.
