E Departamento di Santander, Colombia, pa medio di su Secretaria di Cultura y Turismo, ta invita sector turistico di Aruba, agencia di biahe, operadornan turistico, compañianan aereo, sector di hospitalidad, organisacionnan empresarial y representante di medio di comunicacion pa participa na “Santander llegó a Aruba”.
E ta un evento di networking crea pa presenta un di e destinacionnan mas diverso, autentico y prometedor di Colombia. E evento lo tuma luga awe, 2 di juli 2026, pa 5:00 p.m. den SavanetaBallroom, Joia Aruba by Iberostar. Conoci como “E Curason di Colombia”, Santander ta ofrece un combinacion unico di naturalesa, aventura, cultura, patrimonio, gastronomia, bienestar y experiencianan autentico di biahe. E departamento tambe ta reconoci como un di e destinacionnan principal di Colombia pa turismo medico, cu profesionalnan di salud forma internacionalmente, infrastructura medico moderno y amplio experiencia den procedimentonan medico di complehidad medio y haltu, atrayendo pashentnan di diferente paisnan.
Ademas di e conexionnan existente entre Aruba y Santander viaBogota cu Avianca y via Ciudad di Panama cu Copa Airlines, e biahero na Aruba awor por descubri Santander tambe pa medio di e nobo ruta directo inaugura door Wingo dia 17 di juni, fortaleciendo ainda mas e conectividad entre Aruba y e importante destino Colombiano.
Durante e evento, e participante lo haya oportunidad pa fortalece relacionnan turistico, comercial y empresarial entre Aruba y Santander, mientras cu nan lo conoce mas di e amplio oferta turisticodi e region, su potencial di inversion y su creciente importancia como centro pa turismo recreativo, negoshi y medico.
Descubri dicon Santander ta bira un di e destinacionnan mas atractivo di Colombia pa turismo recreativo, negoshi, bienestar y turismo medico.
Representantenan cu tin interes pa asisti na e evento gratis aki tawordo invita pa confirma nan participacion yamando of mandando un mensahe na 594-6632.
Gobernacion di Santander, Procolombia y Camara di Comercio di Bucaramanga ta spera cu hopi entusiasmo di por duna bo un bon biniden e ‘Curason di Colombia.’
