Un comunidad cu por sigui desaroya sanamente riba tereno di literatura y arte den tur su disciplinanan ta un comunidad sano y den balans. Hopi biaha esaki ta posibel cu ayudo financiero di e instancianan cu ta existi pa yuda den esaki, of ta bati na porta di otro instancia priva ora ta trata di suma hopi grandi of ora nan no ta wordo yuda cu e suma total pidi, pasobra nan ta haya fastioso pa yena tur e formularionan cu ta necesario den cualkier instancia serio y responsabel. Aruba ta bendiciona cu e instancianan Unoca y Prins Bernhard Cultuur Fonds Caribisch gebied . Nan a y ta yuda hopi di nos arstistanan local pa hopi aña caba.
Lady Ruth ta hopi bendiciona cu e contesta positivo di Unoca, haci posibel pa por tene su di tres One woman show “Alegria di Ruthy 3″ den e luna di december venidero, riba peticion di e publico cu a gosa di su prome dos shownan, y e pueblo televidente cu por a gosa di nan varios biaha na canal 13 y 23 di Tele Aruba durante careda di aña. Nos por participa e bon noticia di curason, cu Dios mediante su di tres show cu hopi amor y alegria, hunto cu un danki grandi diki gordo special tambe pa e gran yudansa di Departamento di Cultura DCA ( y nan team di Man Power, den persona di e dinamiconan Jhon Freddy y Stan Dabian,) cu lo cubri e sala di Cas di cultura ( luz, stage, powerpoint etc,). Awor Lady Ruth tin luz pa sigui traha riba su show # 3 pa tuma luga Dios mediante den e luna di december venidero . Danki na DCA y UNOCA nos por realisa nos show Alegria di Ruthy 3. Awor nos musiconan, nos artistanan bailador y cantante como tambe nos “back stage persons” tambe ta cubri y lo traha cu mas smaak y pasion. Musico artista no por biba di aplauso so.
Nan ta aprecia nan “Artist fee”. Danki na Unoca pa e ayudo financiero pa cu locual tabata falta. Lady Ruth mes no ta pidi un “artist fee” pa su persona pero, manera ta e caso cu e otro shownan, ta regala un instancia locual bende na ticket di entrada. Nos a yuda cu nos prome show Fundacion di Hende Muhe den Dificultad, despues di dos show a yuda 3 grupo di Scouting Aruba y e intencion pa e aña aki yuda Animal Shelter. Asina ta e caso tambe cu nos anochinan di Poesia teni cada 2 of 3 luna, cu ayudo financiero di Prins Bernhard Cultuur Fonds Caribisch gebied , Setar y Aruba Bank e biaha aki ( y tin biaha tambe Unoca). Sin placa e artistanan no por logra tur nan meta y sigui comparti cu pueblo. Nos bunita anochi di Poesia conoci na ingles como “Poetry Night” di luna di juni ultimo a tuma luga na Kulture Café den curason di San Nicolas, danki na Prins Bernhard Cultuur Fonds Caribisch gebied, Setar, y Aruba Bank, e banco cu ta comprende. E tema tabata “ Letters collection” y tabatin un publico basta grandi, mirando cu e anochi ey tabata e Dia di Dera Gay cu celebracion y actividadnan varios caminda riba nos isla. Ivan Quandus a bolbe percura pa e tremendo bon sonido, mientras e biaha aki e caballero inspira Sonny Richardson a fungi como e maestro di ceremonia. Hunto cu su bunita distinguida esposa beautiful Celeste di “we culture”nan a canta dos super bunita cantica di e gran Bob Marley d.f.m.
Un sorpresa agradabel pa a nota presencia y participacion di declamacion di Nena Ponson cu ya ta den su ochenta aña di bida. Bunita cu un subrino di dje a trece. Un bunita anochi cu excelente servicio di Kulture Café. Lady Ruth a wordo pidi pa recita e “carta” di Meneer Walter Mohamed cu tabata 6 couplet, cada un den un idioma, pero no por a recita esun na Frances, pero a lora su taki taki of ta sranangtongo pasobra esey tabata mustra mas facil den e letranan formula den e palabranan riba e papel.( Nos a purba, hahahaha) Nos a recita si esnan na Papiamento, Hulandes, Spanjo y Ingles sin problema.
San Nicolas ta hopi bishita ultimamente pa su bunita murayanan pinta artisticamente cu hopi color y fantasia. Danki na “Basha Foundation” y e curason motor tras di e “Poetry Nights” Maria Silva Hart cu escritornan Poetanan ta haya oportunidad bunita regularmente pa expresa di nan curason nan poema, carta, poema prosa cu no of cu ta publica caba. Mayoria biaha ta poema nobo, cu nan ta bin cu nan pa di prome biaha y ta sinti nan na cas den e grupo cu ta apoya, scucha, comprende y anima.
Danki pa lesa nos relato cu hopi atencion y curason! Stay safe, love you too !
