Riba su ultimo dia na Aruba, Su Altesa Real Prinses Beatrix, a bishita Universidad di Aruba pa atende un simposio di naturalesa riba invitacion di DCNA. E prinses tin un amor masha special pa Aruba y pa naturalesa.
Durante su bishita, el a presencia diferente presentacion importante. Na su salida, prensa local pa prome biaha den historia tabatin e oportunidad di haci solamente un pregunta na su persona. Claro, mirando cu prensa Hulandes a enfoca mas riba DCNA, representante di 24ora.com a dicidi di puntra Su Altesa Real riba su impresion pa cu e proyecto di restauracion di e coralnan y e proteccion di e shoconan door di Fundacion Parke Nacional Arikok. Prinses ta masha contento y impresiona di e trabou duro cu e fundacion ta haci, por conta cu un ekipo dedica na nan trabou. “Mi tin masha respet pa nan trabou”, asina Prinses Beatrix a vocifera. :Ta importante pa proteha nos naturalesa.”
Na e mesun ocasion aki a topa cu Edison Rijna, kende ta ex-Gezaghebber di Boneiro, durante un entrevista cu Rijna el a conta cu e ta na Aruba cu un otro funcion. E ta ocupa e funcion di enviado special pa Ministerio di Asuntonan Interior y Reino pa e islanan BES y porta den futuro, pa tur e islanan den Caribe.
