Ya caba e ruman muhe di criansa di Anne Frank, Eva Schloss ta na Aruba y den un evento dia prome di Maart, den e ballroom di Aruba Hilton Resort, lo bay comparti su mensahe di tolerancia, triunfo y sobrevivencia, naturalmente tambe su experiencianan cu el a pasa hunto cu e famoso personahe aki.
Eva Schloss a pasa su bida ta biaha rond mundo pa comparti su mensahe di diversidad y paz mundial. Y awo ta na Aruba pa inspira e comunidad, y plama su mensahe di siña di pasado, biba e presente y mira pa futuro.
Esaki sigur ta un oportunidad unico pa scucha e storia di Anne Frank y Eva Schloss. Eva Schloss apesar di ta haya hopi invitacion for di diferente parti di mundo, el a scoge pa acepta e invitacion pa bini Aruba.
Con e evento ta bayendo
E evento ta bayendo super bon. Loke ta e reaccion di parti di e publico di Aruba, ta hopi bon, segun Lisanne Coffy. Asina cu carnaval a caba, diamars tabata tin yen di hende pa busca ticket. Tin cu indica cu esakinan ta bayendo hopi lihe. Ta kere cu pa awe caba lo bay indica cu lo tin un sold out.
E carchinan ta obtenibel solamente na Do It Center na Shaba. Mester a stop otro camindanan pa motibo cu e benta tabata bayendo super lihe.
Si ainda bo no tin carchi, bay Super Doit Center na Shaba. General ta 20 florin, studiante ta 15 y VIP ta 180 florin. E cupo ta hopi limita, segun Coffy.
Pa tur esnan cu tin carchi caba, e ta bay ta un evento super historico, super interesante. Por siña hopi di e evento aki.
