Leonardo Figaroa lider di Partido Direccion Politiea (PDP) a reacciona riba expresion di Minister Glenbert Croes encuanto exploracion di gas y petroleo, e politico a vocifera cu e ta firmemente contra exploracion di gas y petroleo e motibo ta cu e no ta kere cu Aruba ta cla pa enfrenta un calamidad.
Trinidad and Tobago a reporta riba e derame petrolero cu a tuma luga cu a afecta e pais inmensamente. Aruba mientrastanto ta riba un codigo oranje, e politico no ta mira cu Gobierno di Aruba tin suficiente recurso pa combati un calamidad asina.
A expresa preocupacion tocante e exploracion di gas cu si wak a base di relato cu e Minister a manda lo ta te despues di aña 2026 e compania cu ta explorando pa petroleo lo haya tur documento pa por cuminsa explora, Figaroa a califica e Minister: “persona populista cu semper ta priminti e cosnan cu e no por cumpli.”
E lider politico hoben a bolbe un poco den historia: “Na aña 2017 Minister Glenbert Croes a priminti comunidad Latino cu lo duna amnistia, awendia ta bolbe hunga cu sentimento di pueblo pa locual ta prijs di awa y coriente, algo cu e ta haciendo for di tempo cu tawata lider di OLA” (Organisacion Liberal Arubano).
A señala cu prome cu eleccion na aña 2021 a priminti Aruba cu ta bay cuminsa explora gas, cu esaki lo ta bon pa tres generacion, Figaroa a enfatisa cu “No!” Na Hulanda tawata tin un encuesta riba boramento di gas na Groningen cu a conduci na compensacion di daño (schadevergoeding).
E boramento a trece como consecuencia hopi daño na hopi hogar y famia. Hulanda a yega na conclusion cu no por sigui bora mas pa gas den Groningen pa motibo cu ta ocasionando hopi temblor den e area, e temblornan no ta ocasiona door di naturalesa, pero door di accion di hende.
