Awe lo tin e premio miyonario di Lotto y hopi hende nan suerte ta na liña pasobra nan a cumpra nan Lotto 5. Esey ta demostra cu pueblo tin confiansa den Lotto. Pero tin hopi mas tras di e premio, cual ta operacion di e fundacion.
Ronald van den Berg, director di Fundacion Lotto pa Deporte, a splica cu un parti importante di e fundacion ta mercadeo, cual ta bay cu 2% di e ganashi di benta di fin di aña.
Ta haya operations cual ta e empleadonan den oficina. Ta haya e rebendedonan cu ta cubri nan entrada, en todo caso tin hende ta biba di dje. Naturalmente tin premio y esey ta un di e partinan mas grandi.
Den e negoshi aki, si no por paga, e negoshi no por keda existi. Mester paga e premionan religiosamente. E ‘business model’ di Lotto ta uno cu ta funciona y ta pronostica hopi cos. Por ehempel na cuminsamento di Lotto tabata bin c’un wega y si e traha el a traha.
Awendia no por haci esey mas. Mester haci un investigacion prome cu bin c’un wega.
Pa por traha cu Lotto, mester tin un circulacion hopi grandi, sino e no ta bay.
Van den Berg ta sigui splica cu den e ultimo 10 aña Lotto ta top top y ta un compania hopi fuerte y stabiel financieramente. Pa e proximo añanan tambe lo t’asina. Al fin y al cabo tur hende ta cumpra, hasta dokter y pastoor.
Awe sigur lo t’un dia druk y hopi hende lo para den rij. Tin diferente manera cu por cumpr’e Lotto, manera un multidraw. Tin uno cu ta paga riba mil florin den diferente settings, caminda cu tin chens di gana. Na final ta un wega di suerte e ta y hopi biaha tin hende ta purba tur sort’i manera y gasta hopi placa.
Tin un grupo fiho y grandi cu ta cumpra Lotto specialmente pa deporte. Nan por rabia, pero ta cumpr’e pa yuda deporte, naturalmente pa nan gana tambe. Sinembargo tin hende ta cumpr’e den necesidad pasobra cada ken tin un soño y ta cumpra e soño aki.
Tin un total di 180 kiosco cu ta haciendo un bon trabao cu ta bende Lotto. A pesar di e ora cu a haci un efecto, ta comerciante chikito y ta hopi creativo.
“Bo por papia kico cu bo kier di nos, pueblo ta confia nos,” ta loke cu v/d Berg a comenta. Esey ta loke cu a ripara e ultimo aña, ora cu tempo tabata hopi malo, e confiansa tabata hopi halto y esey ta di aprecia, gradiciendo pueblo.
Pueblo a sostene no solamente Lotto, pero deporte en general, v/d Berg a menciona. Y deporte awe hopi hende ta zundra, cu e unico instancia cu ta duna deporte placa ta Lotto.
Hopi caminda ta tende cu Lotto no tin placa y ta casi bay failliet. E ultimo aña esey no ta existi. Pronto lo mester papia di futuro kico lo pasa cu deporte, pasobra deporte tambe ta den un situacion fastioso. Deporte awendia organisatoriamente mester di un atencion hopi grandi.
E record di Lotto 5 ta data fo’i 2015, ora cu el a yega 2 miyon di florin y despues MiniMega ora cu el a yega na 3.7 miyon florin.
