Aña pasa, esta 2022, tabata un bon aña pa Cuerpo di Aduana. Segun su director, Roderick Croes, aña 2019 tabata un di e miho añanan pa Aruba. Por compara tur e añanan cu 2019.
Tin di bisa cu 2022 tabata un aña cu a pasa, no hopi, pero a yega si locual cu a haya na 2019.
Door cu tabatin hopi incertidumbre di parti di Asunto Economico, tabatin hopi cambio den e presupuesto.
Pero cu hopi orguyo, segun Croes, e duaneronan a produci y a logra pasa e ganashi logra den 2019.
Si papia di placa bruto, ta papiando aki di riba 300 miyon florin, segun Croes. Esey ta hopi placa. E ta sigui splica cu Aduana tin su cuenta. Desde 2015 a cuminsa cu pago online. Directie Financien tin e beheer di full e cuenta di Aduana.
E papel primordial cu Cuerpo di Aduana tin, ta pa cobra invoerrechten y accijnzen. Y banda di dje, mirando cu Aduana ta na frontera, tin e tarea tambe riba e tereno di siguridad, economia, como tambe di naturalesa. Eynan tambe Cuerpo di Aduana ta eherce un control severo.
