A topa cu sra. Lejuez na aeropuerto bayendo Hulanda. Despues por a mira cu sr. Vrolijk di MEP bin busk’e.
Rocco Tjon, lider di fraccion di MEP a comenta cu sra. Lejuez mester a haci algo. Loke ta importante p’e, no ta importante pa Tjon of pa otro hende. Esencia di esaki ta, cu tin palabracionnan haci pa reunionnan por sigui na un manera eficiente.
Awor aki, a kere cu por a sigui cu reunion, pasobra tin palabracionnan haci, y AVP a keda sinta den fractiekamer.
A purba di papia cu partido AVP pa sigui cu reunionnan diasabra. A bisa cu nan no por, pasobra nan lo tin nan concierto di Speransa. MEP tin mayoria y por a forsa y tene reunion diasabra pasobra nan ta madura.
Dialuna a sostene un mocion di sr. Candelaria, pasobra e ta algo bon pa pais Aruba. Tin palabracionnan haci y ta spera e ora ey tambe, si algo di urgencia a presenta, ta compronde.
Nan mester a bandona parlamento por ta pa algo di partido politico, Tjon no ta di acuerdo cun’e, pasobra ta trata interes di pais Aruba.
Tjon no por compronde y pais Aruba no por compronde, cu bo ta sinta den fractiekamer y bo ta nenga di bin den sala di parlamento pa e reunion por a sigui.
Tjon ta kere cu e actitud aki ta hopi infantil. MEP en todo caso no lo haci esaki.
Pa loke ta Daphne Lejuez, e reunion ta sigui. Tin presupuesto pa trata, tabata tin quorum y lo trata te ora cu caba cu presupuesto. Manera e ta programa diamars lo a termina cu ministerio di enseñansa, ministerio di finansas, economia y cultura. Diaranson lo trata ministerio di asuntonan general y despues lo bay over na votacion riba e diferente mocionnan cu a wordo entrega y e ley obviamente.
Pa loke ta reforma fiscal, no tin claridad riba esey. Diamars a ricibi si dos ley. E reforma fiscal y motorrijtuigbelasting, pero no tin claridad riba eseynan.
