Booshi Wever ex minister y ex parlamentario algun dia pasa a bay di bishita na Serlimar. Eynan el a mira cu su mesun wowo y saca potret di e edificio cu ta den super bon condicion.
Esaki el a saca pa mustra pueblo cu ningun momento e lugar ta manera minister Otmar Oduber ta expresa y cu mester sali pa huur un edificio di 50 Mil Florin pa luna. Ta acusa Otmar Oduber di ta cumpli cu sponsor di partido cu e huur di e edificio aki. Ademas di 50 Mil Florin, e lo costa pueblo tambe 10 Mil florin na huur. Despues cu Booshi Wever a cana y saca potret, papia of cuminda algun trahador, e publicacion di e potretnan aki a causa cu e seguridad cu tabata trahando a haya un warning. A dune un advertencia di trabou pasobra el a laga Booshi Wever drenta. E tereno di Serlimar ta publico pasobra clientenan por bin pa servicio. Tur dia hendenan ta yega na Serlimar pa un of otro servicio.
Nan ta drenta cu nan auto y tin parkinglot tambe. Hasta na entrada tin un borchi poni unda bo ta drenta riba bo mesun risico y no ta responsabel pa nada cu pasa cu bo auto etc. Diabierna mainta despues cu Booshi Wever a bolbe Serlimar pa update prensa pafo, a mira con Robin Didder di POR, poni pa Otmar den Serlimar, a sali for di oficina di Serlimar y bay cerca e security. El a bay bisa e Security cu si Booshi Wever drenta den Serlimar, yama Polis mesora pe. Booshi Wever mes a keda asombra cu e instruccion di Robin Didder na e Security na entrada. Un lugar publico cu indicacion na entrada cu no ta prohibi ningun hende, awe gerencia nombra politicamente ta selecta ken por drenta Serlimar.
