Na momento cu mey anochi (diabierna) Toque De Queda a cuminsa, e hendenan tabata pendiente kico ta bay pasa cu Richie Danies y su hendenan, kendenan tin algun siman ta campa banda di Parlamento.
Esaki a sosode pa 12.20 di marduga.
Richie Danies y algun persona mas ta na e sitio ey pa algun siman, no ta bay cas mes. Nan ta den un lucha pa derecho di muchanan, pa e victimanan di abuso sexual y diferente otro tema social mas.
Danies anteriormente a declara di no ta compronde cu nan por bay detene, mientras cu e adictonan ambulante cu ta cana riba caya no a detene nan den e prome Toque De Queda mas.
Asina mes e Polisnan a presenta na e sitio y a detene en total cinco persona, net na e skina entre Parlamento y Oficina di Gobernador. Danies y su grupo tin 42 dia na e sitio. Na momento di su detencion el a bisa, cu si nan lague liber, e siguiente dia e lo ta bek eynan atrobe.
E detencion a bay sin ningun resistencia. A transporta tur pa Warda di Polis.