Na PAAZ tabata tin un protesta chikito. Mientras tanto a anuncia e proyecto nobo. Gina Maduro di ABV a splica cu e comienso no tabata bon, manera cu a divulga biaha pasa caba, pero na caminda a topa cu otro. A keda di sinta tur siman, a reuni hunto. Hunto cu nan abogado, pa mira e parti huridico pa mira e stichting. Ta empleadonan cu tabata di hospital pa hopi aña cu nan beneficio primario y secundario unda cu e CAO di hospital ta vigente. Per 1 di Januari nan a bay over pa un stichting nobo cu yama Respaldo, unda cu tur cos a wordo tuma.
Cambio ta duna resistencia. No ta tur empleado na comienso tabata di acuerdo. Pero na caminda varios a topa cu otro. Nan a bin compronde cu e parti di psikiatria mester di su atencion, pasobra esey a wordo hopi neglisha pa hopi tempo y ta mira den comunidad e problema psikiatrico, ta un problema y e mester su atencion. Awor aki cu tin su mesun stichting, e tin su mesun Raad van toezicht, Raad van Bestuur, tin su mesun fondonan unda cu por mehora e parti aki.
Ambiente di trabao na PAAZ
Tur cos ta nobo awor aki, aunke cu nan a keda den e mesun edificio. No a cambia di localidad. Ta solamente di doño di trabao nan a cambia. Hospital no ta nan doño di trabao oficial mas, sino nan ta cay bao di Stichting Respaldo, aunke cu tin un aña si cu hospital ta responsabel pa nan y per 1 di Januari 2019, nan ta cay full bao di e stichting completo.
Na comienso nan a inclui e sindicato. Pero na caminda, ora cu a cuminsa cu e empleadonan desde Juni padilanti, desde September/October a inclui e sindicato, unda cu nan tabata sinta tur siman.
PAAZ ta chikito
PAAZ ta hopi chikito. E problema social, e problema psikiatrico pafo ta grandi. Tin vacaturanan awor aki habri pa prome interno, si empleadonan mes den psikiatria den PAAZ ta bin na remarca pa cierto funcionnan. Tambe tin externo, unda cu vacaturanan por wordo yena mas lihe posibel pa asina por traha na bienestar di e parti
