E medida di Crisis Heffing cu gobierno a haya sosten pe den parlamento ta bay nifica basta riba e prijs di pan. Na Aruba nos conoce Canasta Basico tambe y e Canasta Basico na Aruba ta paga e impuesto di BBO. Panaderonan ta haciendo tur esfuerzo pa evita cu e prijs aki ta bay aumenta.
E aumento di prijs di pan ta den man di gobierno mes. Pesey mes diahuebs nan lo tin reunion cu gobierno den oranan di mainta. Kier purba haci mescos cu Curacao y den Canasta Basico elimina e BBO BAZV BAVP. E prijs di pan ta wordo afecta hopi cu e cambio fiscal y aumento di impuesto di BAZV y introduccion di BAVP. E doel ta pa e Canasta basico por ta pagable pa esnan di menos recurso. Manera cos ta bayendo entrante prome di July e prijs por subi cu 45 Cent. A papia caba cu Panaderonan cu a confirma na nos tur cos. Tres Schakel e proceso di traha pan lo tin. Cumpra Hariña, bende na negoshi of supermercado ta otro Schakel y ora Supermercado bende na cliente ta otro schakel.
Si e medida no tey e prijs di pan ta keda mescos. E prome schakel ta dificil pa kite ora cu panaderia ta cumpra e hariña y otro productonan pa traha e pan. Kier match e pan blanco y pan bruin mesun prijs. Esaki lo notifica gobierno riba dje tambe. E ora e prijs di pan Bruin ta baha. E pan ta bira 4.10 of 4.15 entrante prome di July cu e aumento y introduccion di impuesto nobo.
Awor e ta 3.70 pa e consumidor. Si pone Whole Sale Price ta 3.30 y si subi na 3.45 y mal esaki cu 6% e ta bira 3.66. Riba esaki ta bin 25 cent cu ta ganashi di Supermercado. Riba reki di e negoshi e ta bira 3.91 pa e consumidor cu e ganashi di 25 cent di e comerciante. Ora consumidor bay caha mester multiplike cu 6% atrobe cu ta e BBO, BAZV y BAVP y ta bira 4.14 y ora di cumpra cash dimes e ta bira 4.15.
Si saca tur e 6% di medida afo cu dos schakel, e prijs di pan ta bira 3.75. Esaki ta prijs final pa e cliente na caha. Esey ta 40 cent menos. Panaderonan ta bay hiba e propocision aki na gobierno diahuebs mainta. Kier haci esaki pa tur tipo di pan.
Canasta Basico ta pa protehe esnan di menos recurso. Esaki tambe Panaderonan lo splica gobierno den nan reunion. E ta spaar bo 40 Cent riba cada pan. Un hende di menos recurso bo dale riba cada paki pan cu 40 cent cu e aumento di e impuesto, esaki sigur ta duro tur luna. Spera cu gobierno tene comprension cu e situacion pasobra pan ta algo cu tur dia hende ta come.
