Diadomingo día 12 di December a tuma lugar e campeonato hubenil di dam pa anja 2021. E campeonato aki a wordo hunga den 2 categoria. Un categoría U14 unda muchanan te cu 13 anja por a participa y un categoría U-20 pa nos hobennan te cu 19 anja.
Den U14 a inscribí 6 hungador, mientras den U20 tawata tin solamente 1 inscripcion. Tur hungador a hunga den un solo grupo. Ganador absoluto di e campeonato aki a bira e mucha muher Dayenne Gibbs participando pa categoría U14. Dayenne a score 10 punto (4 gana y 2 empata). Anja pasa Dayenne a bira campion tambe den e categoría aki.
Na di 2 lugar a termina Gian Emerenciana cu 9 punto. Gian a gana 4 partida a tabla y a perde 1. Tercer lugar absoluto a termina Obi Tromp cu 7 punto. Obi a bira campeón den categoría U20. Tercer lugar pa categoría U14 a bira Mateo Croes cu 6 punto. Mateo a tabla 2 wega y a gana 2 wega. Mateo no por tawata presente durante e prijsuitreiking door di otro compromiso.
E 2 ganadornan di U14 y U20 a ricibi un macuto di pasco. Un tercer macuto a wordo rifa entre e hungadornan cu no a gana un basket. Esaki a wordo gana door di Mateo Croes. E macuto di pasco lo wordo entrega na Mateo na su cas. E torneo aki, a wordo subsidia door di SSA y Lotto pa Deporte.
